erlea (letra xehez idatzita) bi erlezain musikalek, Miren Zeberio-k eta Enrike Solinís-ek, egindako lan nekaezinaren emaitza da; izan ere, antzinako musikaren eta musika tradizionalaren erlauntzen benetako zaindari gisa, hamarkada bat baino gehiago eman dute genero horien eztirik bikainena eta gozoena biltzen.

Euskal Barrok Ensemble-ren sortzaile eta zuzendari gisa, ALIA VOX, GLOSSAMUSIC eta UNIVERSAL bezalako nazioarteko zigilu ospetsuetan argitaratu dituzte beren lanak, beren musikaren gozotasuna mundu osoarekin partekatuz.

Hala ere, hamar urteko esperientzia ez da nahikoa erlezain musikal hauentzat, erlea izeneko erlauntza editoriala sortzea erabaki baitute, beraien proiektuak sortu eta banatzeko prozesu osoa aurrera eramateko eta, horrela, beraien erle sortzaile bakoitza pertsonalki zaintzeko.

Ongi etorri erlea-ra, musika erlauntza, non eztiaren gozotasuna eta kalitatea bermatuta dauden proiektu bakoitzean.

Tolosa, 1983.

Oso txikitan hasi nintzen biolina jotzen Ana Sebastianekin, nire amaren bultzada eta laguntzaz. Erdi eta Goi mailako ikasketak egin nituen Irun eta Donostiako Kontserbatorioetan Raffaela Accela eta Christian Ifrim-ekin hurrenez hurren. Ondoren, Utrecht (Herbehereak)-en sakondu nituen musika ikasketak Karen Turpie-rekin eta biolin barrokoan hastapenak egin Antoinette Lohmann-ekin. Oso gaztetandik EGO (Euskadiko Gazte Orkestra) eta JONDE (Joven Orquesta Nacional de España)-ren partaide, Gustav Mahler Jugendorchester-en besteak beste Claudio Abbadok zuzendua izan nintzen. Hainbat orkestra eta antzinako musika proiektutan parte hartu dut: Le Concert des Nations, BandArt, La Ritirata, Al Ayre Español, Orquesta Barroca de Sevilla, Constantinople etabarrekin...

Azken hamarkadan batez ere nire lan artistikoa Euskal Barrok Ensemble-n zentratu da, zeinarekin hainbat sorkuntza lan interesgarri eta ehundaka kontzertu aurrera atera ditugun nazioarte mailan (Madrilgo Auditorio Nacional, Kursaal eta Arriaga Antzokiak, Stockholm Early Music Festival, Philharmonie de Liege, Flamenco Biennale Nederland, Radio France Paris, Tychy Guitar Festival, Festival Montreal Baroque...).

Nire lan artistikoa hezkuntzarekin partekatu izan dut beti, besteak beste Leioa eta Bilboko Kontserbatorioetan biolin irakasle izan naizelarik. Gaur egun Donostiako Escudero Kontserbatorioko biolin irakasle titularra naiz, eta hiru haur zoragarriren ama.

Nire formazio klasikoak eta antzinako musikako ezagutzak perfil berezi eta moldakorra ematen diote nire jotzeko moduari. Interpretaziorako gaitasun anitz eta libre honek musika klasikoaren seriotasun eta exijentzia, antzinako musikaren soinuaren tratamendua eta ornamentazioa, eta herriko musikaren askatasun eta inprobisazio gaitasuna uztartzen ditut, azken hauek bereziki Euskal Barrok Ensemble-ren partaide eta bultzatzaile gisa azken urteetan sakonki garatu ditudanak.

* Argazkia: Josean eta Ane

Bilbo, 1974.

Gitarra eta antzinako musika ikasi nituen Bilboko J.C. Arriaga eta Escola Superior de Música de Catalunya-n hurrenez hurren. Nazioarteko zenbait gitarra lehiaketatan saritua izan naiz, hala nola Comillas-eko Nazioarteko Lehiaketa, Ataulfo Argenta Nazioarteko Lehiaketa, eta Andrés Segovia Lehiaketa, eta nire belaunaldiko birtuoso handienen artean kokatzen da. Estilo askotariko musikariek piztu naute musikarako grina txikitandik: Paco de Lucíak, Narciso Yepesek, Lutosławskik, Steve Vaik, Tinariwenek eta Los Panchosek, besteak beste.

Kultura ezberdinetako musikek erakartzen naute, eta musikari bakarlari eta kontinuista aritu naiz hainbat talde eta zuzendari garrantzitsurekin: Jordi Savallek zuzenduriko Hesperion XXI, Le Concert des Nations eta La Capella Reial de Catalunya taldeetan; René Jacobsek zuzenduriko Concerto Vocale eta Akademie für Alte Musik taldeetan; Emmanuelle Haimek zuzenduriko Le Concert D'astrée emanaldian; Manfredo Kraemerrek zuzenduriko Baroque 21 Lab eta The Rare Fruits Council taldeetan; eta beste hainbatetan.

Kontzertuak eman ohi ditut mundu osoko jaialdietan eta Europako eta Amerikako areto garrantzitsuenetan: New Yorkeko Carnegie Hallen, Berlingo Konzerthausen, Parisko Champs Elysées aretoan, Mexikoko Culiacán Internacional Festivalen, Londresko Barbican Centerren, Mexiko Hiriko Nezahualcoyotl aretoan, La Habanako Leo Brouwer jaialdian…

Miren Zeberio-rekin batera, Euskal Barrok Ensemble-ren sortzaile eta zuzendaria naiz 2006-tik, zeinarekin nire ideia eta ibilbide propioa lantzen ditudan. Musika klasikoaren barnean kritika eta entzulegoaren iritziz estilo guztiz originala dut, eta nire lanetan ahalik eta influentzia eta aniztasun kultural handiena agerian uzten saiatzen naiz, gaur egungo publikoarekin komunikazio zuzena lortzeko helburuarekin.

* Argazkia: Josean eta Ane